- خير عايزة إيه ؟
= إنتي هبـ ـلة بقى ؟!! لما تكوني جيباني حِنة اللي إسمها هبة تاتو دي ومش قايلالي .. خطتك فيها إيه ولا قاصدة إيه ؟!
- قاصدة وخطة ؟! ليه يا ماما ؟ على أساس قعدت أدبدب برجلي في البيت وقولهم والله ما انا راحة في حِتة والله ما انا راحة حِنة صاحبتي إلا لما شيماء تيجي معايا ؟! ما انتي جيتي هنا برجليك هو حد يابت كان جرجرك من شعرك ؟
- تجرجريني من شعري ؟! مش انتي اللي قعدتي تتنططي كده زي القـ ـرد قدام أبوكي عشان تيجي ؟ وزقيتي عليا أمي عشان تنزلي ، يابت إنتي مُتخـ ـلفة ؟! إنتي مش فاهمة إن هبة دي بتكرهنـ ـا ؟! ولا انتي إطرشيتـ ـي وماسمعتيش في الايڤ اللي فات وهي بتشـ ـتمني انا وأبوكي وأمك وهي مرمية في المستشفى ؟!!
= تشـ ـتم أمي ؟! لا يا حبيبتي ما عاش ولا كان اللي يشـ ـتم أمي هي كل القصة وما فيها يعني إنها بت ذكية بتعرف إزاي كويس أوي تعمل التريندات وده كله شغل سوشيال يعني وإحنا هنروح بعيد ليه ؟! ما احنا معانا نجمة السوشيال البت اللي بتعرف كويس أوي تعمل التريند إنتي بقى غلا وجازة عليا أوي كده ليه ؟ عشان بقيت أعرف أعمل التريند زيك ؟
- أغـ ـل وأجز منك إنتي يا نسمة ؟!!
= ااااه .. ااااه يا نجمة السوشيال من يوم ما خليتك تقبي على وش الدنيا ودخلتك التيك توك وانا عمالة أتحايل عليكي زي الكـ١ـبة واتذللك وقولك خديني معاكي خديني تحت جناحك وانتي ولا فارقلك ورميتي كل ده ورا ضهرك مع إنك عارفة إني من أول يووووم انا اللي نفسي أكون مشهورة على السوشيال ، كل ده بقى شفطيه كده يابت على الجاهز ومفارقلكيش غير نفسك وبس يا طمااااعة يا أناااانية ، جاية بقى دلوقتي تقطميني لما أضطر أحتاج لهبة المأيحة دي وأجاملها عشان تساعدني أزود متابعيني واتشاف ؟! ماهو لو كانت أختي السماوية خدتني معاها تحت جناحها وطلعنا مع بعض واتشهرنا سوا مكانش زماني لا احتاجت لهبة ولا غيرها
- يعني انتي جبتيني هنا يا نسمة عشان تزودي متابعين على حِس هبة تاتو ؟!! مفارقلكيش كرامتنا ؟! مفارقلكيش منظرنا ؟! أقسم بالله يا نسمة انتي طول عمرك عيلة واطـ ـية ، والمصحف بتحبي تصطادي في المايَّة العكرة ومصلحجية واقول صغيرة ويمكن تكبر بس انا شيفاكي وسمعاكي وحاسة بصـ ـورمك وبغـ ـلك اللي هينط من جوة عينيكي يا نسمة .. بس أقسم بالله ما هسكتلك تاني عشان هونت عليكي وبدوسي عليا عشان تتشهري حتى لو برخص
= بقولك إيه يابت ما بلاش بقى نفتح في سيرة الرخص ، إنتي لو مكُنتيش رخيصة يامَّة مكانش زمانك إتشهرتي في يوم وليلة .. ياللي بتقعدي تسبلي للرجـ ـالة بعنيكي
- صح يا نسمة صح .. إحنا عيلة رخيصة أوي أقسم بالله بس مش بس بالفلوس لأ ، رخاص بكرامتنا رخاص بنفسنا يا هـ ـبلة ، إوعي تكوني فاكرة إن إنتي نسمة وجميلة وقمورة وأحلى من الورد اللي إنتي معيشة فيه ابوكي وامك ده لأ ، إنتي فاشـ ـلة وضـ ـاربة شهادات ومفهماهم إن إنتي في سنة تالتة وانتي لسة في أولى أقسم بالله أنا مش عارفة أقول إيه .. مش عارفة أقول غير إن إنتي عيلة واطية ومصلحجية وتحبي تصطادي في المايَّة العكرة ، أقسم بالله يا نسمة أنا بكـ ـره اليوم اللي إتولدت فيه وعرفت إنك أختي لولا ابوكي وامك كانوا تعابنيين كنت روحت قولتلهم على القـ ـرف اللي بتعمليه
= لا يابت تعالي نقولهم يلا يابت خايفة منك ، خايفة منك يا شيماء ، يلا يابت نقولهم على كل حاجة ، أقولك ؟ إنتي تقولي اللي عندك وانا أقول إن إنتي بتجري تتسرمحي وتقـ ـلعي وتلبسي وماشية مع حسن في الدرا ، وبالمرة بقى يابت أوريهم صورك المـ ـلط
- هو انتي اللي سخنتي أبويا على حسن ؟!!
= آه يابت أنا .. ولو أطول أوجـ ـعك هوجـ ـعك ولو أطول أكسـ ـرك هكـ ـسرك ، واقولك على حاجة كمان ؟ لو أطول يابت أي عريس يجيلك أقول لأبوكي إنه يقرف الكـ١ـب عشان أقهـ ـرك هقـ ـهرك وآه صحيح .. إتفوووو عليكي يا شيماء
#أعلى_نسبة_مشاهدة
تعليقات
إرسال تعليق